Diario de AlavaDiario de Noticias de Alava. Noticias de última hora locales, nacionales, e internacionales.

Saltar al Contenido

Períodico de Diario de Noticias de Alava

Korrikaren mezua lantzeko unitate didaktikoak sarean dira jada

Ikastolen Elkartearekin elkarlanean sortu ditu AEK-k 3 eta 18 urte bitarteko haur eta gazteei zuzendutako unitateak

Miren Mindegia | Iban Aguinaga - Jueves, 16 de Febrero de 2017 - Actualizado a las 06:06h

votos |¡comenta!
Koldo Tellitu (Ikastolen Elkarteko lehendakaria), Asier Amondo (Korrika) eta Xan Aire (unitatearen egilea).

Koldo Tellitu (Ikastolen Elkarteko lehendakaria), Asier Amondo (Korrika) eta Xan Aire (unitatearen egilea). (IBAN AGUINAGA)

Galería Noticia

  • Koldo Tellitu (Ikastolen Elkarteko lehendakaria), Asier Amondo (Korrika) eta Xan Aire (unitatearen egilea).

iruñea- Korrikak eta Ikastolen Elkarteak euren indarrak batu dituzte martxoaren 30ean abiatuko den 20. Korrikaren unitate didaktikoak sortzeko. Azkeneko edizioetan bezala, euskararen erabilera sustatu eta indartzearen helburupean biltzen diren bi erakunde hauek Korrikaren mezua eta kultura haur eta gazteen artean ezagutzera emateko unitateak landu dituzte, ikastetxe guztien eskuetara jarriz. “Elkarlanaren eta auzolanaren ondorioa da unitate didaktikoa, AEK eta Ikastolen Elkarteak aspaldidanik garatzen dugun elkarlanaren ondorioa”, adierazi zuen Asier Amondo Korrikaren arduradun nagusiak atzo Iruñeko Ezpeleta Jauregian egindako aurkezpenean. “Lan honek gure oparirik maitagarriena izan nahi du Euskal Herri osoko ikastetxe, ikasle eta irakasleentzat”, azpimarratu zuen.

“Korrika zaleak gara ikastolak, ekimen honek ere biltzen baititu ikastolek defendatzen ditugun balio nagusiak: herritarra, elkarlana, auzolana, euskararekiko atxikimendua...”, azpimarratu zuen atzokoan Koldo Tellitu Ikastolen Konfederazioko lehendakariak. “AEK-k berak jaso egiten du Korrikaren bitartez baina eman ere, asko ematen du Korrikaren bitartez. Gure alea jarri dugu unitate didaktiko honen bitartez eta gure aleak jarriko ditugu herriz herri Korrikari ongi etorria egiterakoan”.

Xan Aireren gidaritzapean, Ikastolen Elkarteko didaktika taldeak landu ditu 3 urtetik 18 urte bitarteko ikasleei zuzendua dagoen materiala. Adin tarteen araberako bost azpi-unitatetan banatuta dago eta dagoeneko Korrikaren webgunean zein Ikastolen Elkarteko webgunean zin-tzilikatu da, bertatik deskargatzeko.

“Girotze eta jakintza partekatze handi bat izatea nahi dugu, urtero bezala. Bi ardatz nagusien artean ibili gara aurten ere: alde batetik, Korrikaren leloarekin eta mezuarekin jolastea;eta bestetik Korrikaren kultura eta sinbologia lantzea, horrek dakarren balio sorta biziki interesgarriarekin”. Batzuk aurtengo lema nagusitik abiatuta, euskaraz bizi-tzeko molde desberdinak badirela erakustera bideratu dute aurtengo unitatea, “bai proposatzen diren jardueren bidez bai ipuin eta filmeen bidez ere”.

irria aldizkaria eta dokumental batAirek atzo azaldu zuen bezala, leloa lantzeko bi proiektu nagusi proposatzen dira unitatearen baitan. Alde batetik, Irrien Lagunak taldearen Irria aldizkariaren atal berezia eskaintzen da, izan ere, “Pirritx, Porrotx eta Marimotots pertsonaia erreferente argiak dira txikienentzat”. Bakoitzarena gurea ipuinaren bitartez, “berdintasuna eta aniztasunaren dantza polit bat” aurkezten du ipuinak. Alde honetatik, unitatearen gako nagusietako bat ikasle heldu eta txikienen arteko kidetzea lantzea izanen da, elkarrekintzaren bitartez ikasle txiki eta nagusien euskara-erabileran eragiteko: “Ikasle helduenak gaztetxoengana joango dira ipuina lantzera. Ipuina kontatzeko garaian, hain zuzen, ikasle helduagoak ipuin-kontalari eta antzezle bihurtuko ditugu”.

Ikasle helduagoetan pentsatuz, aurtengo unitateak dokumental bat aurkeztu du, bestalde. Batzuk. Euskararen lau aurpegi izenburupean, Hiru Damatxo Ideia Faktoriak ekoiztuako dokumentalak “euskaldun izateko lau modu ezberdin ezagutzera emango ditu, aniztasuna ardatz, gaztetxoei erakargarri egingo zaion estetika batekin”. Horretaz gain, bestelako baloreak ere nabarmentzen dira dokumentalean: errespetua, elkartasuna, aniztasuna... “Gogoeta eragin nahi dugu gaztetxoen baitan, gogoetatik abiatuta”.

Mezuarekin batera, Korrikaren inguruko kultura eta sinbologia dira proposamenaren bigarren ardatz nagusia. Hartara, elkartasuna eta ardura partekatzea bezalako balioak landuko dira unitatean zehar, hala nola txikienei zuzendutako Korrika Txikian parte hartzeko petoen margoketa.

nondik-norakoak

Unitate didaktikoaren helburu nagusia. Euskararen erabilera sustatzea eta indartzea. Helburu berarekin lanean diharduen AEK-k antolatutako KORRIKA ekimenaren zergatiaz eta beharraz ohartzea.

Egitura. Adin-tarte bakoitzari egokia zaion lanketa proposa-tzen da, unitate desberdinetan: Haur Hezkuntza (Hegoaldean) eta Ama Eskolan (Iparraldean) lantzekoa;6-8 urtekoekin lan-tzekoa (LH 1.zikloa);8-10 urtekoekin lantzekoa (LH 2.zikloa);10-12 urtekoekin lan-tzekoa (LH 3.zikloa);eta 12-18 urtekoekin lantzekoa (DBH eta DBHO).

Egilea. Euskal Herriko Ikastolen Elkarteko didaktika taldea, Xan Airek zuzenduta.

Diseinua. Di-da, Kooperatiba Elkartea.

Non aurkitu. Unitateak Korrikaren webgunean (korrika.eus) zein Ikastolen Elkarteko webgunean (ikastola.eus) aurkitu daitezke.

votos |¡comenta!

Herramientas de Contenido

COMENTARIOS: Condiciones de uso

  • No están permitidos los comentarios no acordes a la temática o que atenten contra el derecho al honor e intimidad de terceros, puedan resultar injuriosos, calumniadores, infrinjan cualquier normativa o derecho de terceros.
  • El usuario es el único responsable de sus comentarios.
  • Noticias de Álava se reserva el derecho a eliminarlos.

Últimas Noticias Multimedia

Más sobre ¡Qué mundo!

ir a ¡Qué mundo! »

  • Avda. Gasteiz 22 bis 1ª Oficina 13 Vitoria - Gasteiz
  • Tel 945 163 100, Fax Administración 945 154 344, Fax Redacción 945 154 346

  • Oficina Comercial: Calle Portal del Rey 24 (Esquina calle Paz), Tel 945 201000, oficinacomercial@noticiasdealava.com